Post Reply 
 
Thread Rating:
  • 0 Votes - 0 Average
  • 1
  • 2
  • 3
  • 4
  • 5
Këshilla për automjete!
29-05-2010, 07:53 AM
Post: #1
Këshilla për automjete!
Si të përgatiteni për udhëtime të gjata?

Nëse po bëheni gati për një udhëtim të gjatë me veturën tuaj, ja disa këshilla të çmueshme për përgatitjen e
veturës për një rrugë të rehatshme e të sigurt.Para se të niseni për rrugë është mirë që veturën tuaj ta lini për
disa ditë tek ndonjë servis i autorizuar për një kontroll komplet. Por, meqë kjo mënyrë ështëe gjatë dhe, relativisht
e shtrenjtë, atëherë gjërat mund t’i merrni vetë në duart tuaja, t’i bëni këto kontrolle në veturën tuaj.

Ja disa nga kontrollet e domosdoshme që duhet t’ia bëni veturës suaj, para se të niseni për një rrugë të gjatë:

-shikojeni nivelin e vajit të motorit, e nëse deri në atë moment keni kaluar 5.000 km me atë vaj, preferohet ta ndërroni tërësisht me vaj të ri;
-shikojeni nivelin e likuidit në sistemin e frenimit;
-shikojeni sasinë e likuidit për ftohjen e motorit; e nëse motori juaj nxehet shpesh, duhet patjetër ta dërgoni veturën në servis;
-testoni sistemin për fshirjen e xhamave, fshesat, dhe ujin në pompën e fshesave;
-testimi më i rëndësishëm lidhet me pneumatikët (gomat) dhe nëse ata janë të harxhuar preferohet ndërrimi i së paku dy prej tyre, por në të njëjtin bosht.

Mos harroni ta shihni edhe gjendjen e gomës rezervë. Dhe, nëse me vete do të keni shumë valixhe,
preferohet që të gjithë pneumatikët të fryhen për rreth 0.3 bar më shumë sesa e thonë rregullat;
- shikojeni gjendjen e amortizatorëve dhe, nëse me ta keni kaluar më shumë se 50 mijë kilometra,
duhet të konsultoheni me automekanikun;

Pas këtyre kontrolleve, vetura juaj është e gatshme për rrugë të gjata.

Hapi pasues është sesi të ngarkohen valixhet. Duhet të kini kujdes për baraspeshën e veturës kur i ngarkoni gjërat tuaja;
gjërat më të rënda vendosini në fillim edhe atë, sa më në mes të veturës, e më pastaj gjërat më të lehta.
Duhet të kini kujdes sesi i palosni valixhet dhe gjërat tjera sepse, nëse rrugës do t’ju duhet goma rezervë,
atëherë duhet të keni mundësi që ta merrni atë sa më lehtë.

Dhe, pasi t’i jeni përmbajtur këtyre rregullave, ju jeni ta gatshëm për një udhëtim të sigurt me veturën tuaj. Rrugë të mbarë!



Pajisjet e obligueshme rezervë në makinë

Nganjëherë asgjë nuk bën punë, mirëpo disa gjëra të imëta do t’ua lehtësojnë jetën në rast të një ndonjë prishje të paplanifikuar.

1. Një hartë e re dhe e shfrytëzueshme edhe në rastet kur jeni të sigurt se, symbyllur mund të arrini në destinacionin, për ku jeni nisur
2. Celularin sigurisht nuk do të harroni ta merrni me veti, po a keni marrë mbushësin e tij, afër krevatit në dhomë të fjetjes?
3. Ndoshta akumulatori është në gjendje të mirë, mirëpo për çdo rast merrni me vete kabllot për ndezjen e motorit
4. Dritat rezervë konsiderohen si pajisje të obligueshme, mirëpo ju për çdo rast merrni me vete edhe siguresat shtesë
5. Nëse bateria e dorës nuk është miku juaj i përhershëm në udhëtime, atëherë koha është që këtë shprehi ta ndryshoni
6. Kompleti i veglave elementare (kaçavidat, çelësat, etj) gjithashtu do të ishin të mirëseardhura, sikurse edhe brisku i njohur zviceran me shumë operacione
7. Pa marrë parasysh që e keni me vete gomën rezervë, merrni me veti edhe atë “qumështin” për arnimin e pneumatikëve të shpërthyer
8. Një litër e vajit të motorit nuk do të zë vend shumë në makinë, e mund të hyj në punë
9. Nëse keni thes për fjetje pse jo, gjithmonë mund të flini në makinë
10. Mos e harroni çelësin rezervë – gjatë pushimeve origjinali mund të humbet lehtë apo të mbesë në bravën e ndezjes së makinës, apo diku ku nuk ta shfrytëzoni.

Edhe diçka...
Në asnjë mënyrë mos e harroni kutinë e ndihmës së parë e trekëndëshin që është po ashtu janë të obligueshme, si dhe jelekun reflektues!



Si ta kurseni benzinën në makinë?

Benzinën mund ta kurseni në makinën tuaj duke e mbajtur atë, teknikisht në rregull, por edhe me mënyrën tuaj të vozitjes.
Gjendja e rregullt teknike e makinës është shumë e rëndësishme edhe për harxhimin e benzinës, gjë të cilën do ta shini në tabelën
e mëposhtme e cila ju njofton në detaje se sa, cila pjesë e makinës, ndikon në këto harxhime:

– kandelat 8%

– butoni i platinit 7%
– ndezja fillestare – parandezja 5%
– bobina 2%
– kabllot 2%
– termostati 1%
– karburatori 2%
– pajisja për start 10%
– filtri i ajrit 3%
– pompa e benzinës 1%
– nyjet për bartjen e benzinës 1%
– kompllungu 8%
– ventilet 7%
– boshti bregor 16%
– kompresioni 20%
– presioni në pneumatikë 4%
– lloji i pneumatikëve 5%
– balancimi i gomave dhe rrotave 2%
– sistemi i jashtëqitjes se gazrave 5%
– ngarkesa e tepërt 5%
– frenat 1%
– shtrati i rrotave 1%
– lyerja 5%
– aerodinamika e veturës 2%


Starti i motorit – Para se ta startoni motorin, duhet ta shtypni kompllugun dhe të konstatoni nëse e tërë aparatura po funksionon.

Nxehja e motorit – Motori, duhet sa më parë, që ta arrijë temperaturën e punës, e kjo arrihet më se shpeshti gjatë vozitjes.
Sapo motori të punojë 30 sekonda, duhet të niseni ngadalë, duke lëshuar kompllugun.

Nisja dhe ndalja e veturës – Nëse niseni në një terren të rrafshët, nuk duhet t’i jepni shumë gaz makinës, por as ta mbani shumë
gjatë të shtypur kompllugun. Përpiquni që sa më parë, me gaz optimal, ta vini në lëvizje veturën tuaj.

Ndërrimi i marsheve – Në një kohë sa më të shkurtër duhet ta ndërroni marshet në përputhje me lëvizjen, kurse marshin ta mbani
sa më pak në pozitë neutrale. Motori duhet të mbahet në secilën shpejtësi deri në rrotullimet optimale.
Gjatë ngasjes në qytet duhet të ndërrohen sa më shpesh marshet.

Dozimi i gazit – Duhet t’i ikni shtypjes së shpeshtë dhe të fuqishme të gazit. Në rrugë të hapur, duhet që sa më parë të arrihet
shpejtësia optimale dhe duhet ta përshtatni shpejtësinë me kushtet e rrugës, kështu që do t’i përdorni sa më pak frenat.

Mbushja me benzinë – Më se mirë është që makinën ta mbushni me benzinë që në mëngjes sepse, atëherë është më ftohtë dhe
benzina është më “e qetë”. Verës, kur koha është shumë e ngrohtë, mos e mbushni përplot rezervuarin e makinës suaj sepse, ai do të avullohet.


Përgatiteni automobilin për dimër

Edhe pse moti deri tash ka qenë më shumë pranveror sesa dimëror, megjithatë automobilin duhet ta keni gati për dimrin e ftohtë dhe të gjatë.
Për siguri në rrugë gjatë dimrit ekzistojnë dy lloj këshillash - më mirë t’i dëgjojmë ato - sesa të pendohemi më pastaj.
Në Kosovë, për dallim nga disa vende evropiane, përdorimi i pajisjeve dimërore është i rregulluar në bazë kohore. Kështu,
nga 15 nëntori deri më 15 mars shoferët obligohen që ato t’i bartin në makinë.

Me pajisjet dimërore nënkuptohet: përdorimi i të katër gomave dimërore apo zinxhirëve në rrotat tërheqëse - megjithatë ekspertët
këshillojnë që vozitësit, ndër tjera, të kontrollojnë domosdo frenat dhe aftësitë e tyre frenuese – ashtu që gjatë frenimit në rrafshinë,
vetura nuk do të duhej të anonte.

Ndërrojini filtrat dhe vajin e automobilit tuaj dhe kërkoni nga automekaniku që t’i kontrollojë kabllot dhe gypat e motorit për të parë
ndonjë dëmtim të mundshëm. Kontrollojini dritat, mekanizmin e ndezjes dhe gjendjen e baterisë - madje rekomandohet edhe kontrolli i
bazës së makinës si dhe gjendja e përgjithshme e llamarinës së automobilit.


Dëmtimet e vogla të ngjyrës është më mirë të riparohen para dimrit, sepse shpesh kombinimi i kripës me baltë – që ngjiten në makinën tuaj -
mund ta përkeqësojnë gjendjen e saj.

Vozitësit me përvojë nuk e përdorin kot shprehjen: Gomat ta shpëtojnë kokën. Bashkë me frenat dhe mekanizmin drejtues, gjatë dimrit
gomat janë elementi më i rëndësishëm i sigurisë. Gomat e dimrit me formën e tyre karakteristike, më lehtë lëvizin nëpër borë sesa gomat verore.
Kështu automjeti do të lëvizë më lehtë nga vendi dhe më lehtë do të ndalet, respektivisht do të frenojë. Është e qartë se gomat e verës
nuk do të ngjiten si duhet në borë - andaj nuk do t’ju hyjnë në punë fare.

Ofertat që mund t’i gjeni në tregun kosovar dhe te gomistët nuk janë aspak më të këqija se ato në shtetet perëndimore.
Pos gomave të shtrenjta nga prodhues me renome, në tregun kosovar mund të gjendet edhe një numër i madh gomash cilësore me çmim të arsyeshëm.

Është shumë e rëndësishme që të përzgjidhet kompleti i vërtetë i gomave për automjet nga i njëjti prodhues dhe të montohen në të katër rrotat,
e jo vetëm në ato tërheqëse, sikurse është “adet” te ne.

Natyrisht, nëse buxheti familjar nuk lejon blerjen e gomave të dimrit dhe në rast se ngisni nëpër rrugë të qytetit,
mund të dimërohet edhe me goma universale, të cilat mund të përdoren edhe gjatë dimrit edhe gjatë verës.

Vozitësit e automobilave më të vjetër, gjithsesi duhet ta kontrollojnë gjendjen e baterisë, që të mos e sjellin çelësin kot në orët e ftohta të mëngjesit
dhe të dëgjojnë “gugatjen” e makinës, apo edhe të kthejnë kokën nga ndonjë fqinjë, i cili mund t’i ketë kabllot për ndezjen e makinës.

Është po ashtu e rëndësishme që të kontrollohet edhe gjendja e fluidit në automobil. Pikësëpari uji që shërben për ftohjen e makinës.
Para çdo dimri, vozitësve u rekomandohet kontrollimi i antifrizit dhe ndërrimi i tij me kohë.

Kushtojini vëmendje edhe fluidit për pastrimit e xhamit të përparmë, i cili duhet t’i rezistojë ngrirjes,
si dhe kontrollojeni gjendjen e fshesave të këtij xhami dhe atij të prapmë.



Frena e dorës

Shumë e rëndësishme, por kryesisht nuk i kushtohet vëmendje sa duhet.
Automjetet shpesh nuk mund të kalojnë kontrollin teknik për shkak të frenës në gjendje jo të rregull, sepse shumë vozitës nuk i kushtojnë
vëmendje këtij sistemi shumë të rëndësishëm. Shpesh edhe evitojnë përdorimin e saj, por thjesht vendosin marshin “në shpejtësi” dhe ashtu
e lënë automjetin e tyre. Duke vepruar në këtë mënyrë nuk do të kursejnë asgjë, e me kohë mund të vjen edhe deri tek ngujimi i spangos si
pasojë e mospërdorimit afatgjatë.

Automjetet zakonisht përmbajnë frenë mekanike të dorës, e cila vepron në boshtet e prapme, ajo frenon çikrikun apo disqet, varësisht nga
lloji i automjetit, dhe më këtë ajo duhet të funksionojë në mënyrë të pavarur nga frena hidraulike e këmbës. Në rast se automjeti prapa ka
çikrikë, atëherë në të njëjtat frena ndikojnë edhe frena e dorës dhe ajo e këmbës, derisa në disqe montohen dara shtesë
(shtrëngohen në mënyrë mekanike) por edhe disk i veçantë.

Në secilin rast, frena e dorës duhet të jetë në gjendje të rregullt, që do të thotë se mund ta mbajë automjetin në vend edhe në përpjetën
më të madhe. Pasi që, siç kemi sqaruar më lartë, sistemet e frenave të dorës dhe të këmbës janë të ndara, automjetet shpesh nuk kalojnë
kontrollin teknik, edhe pse në vozitje ndalin pa problem.

Siç thamë, frena e dorës mund të përdoret si mjeti i fundit për ndalim kur sistemet tjera nuk veprojnë. Për të ditur se çfarë ndodhë kur
frenoni vetëm me frenin e dorës, provoni disa herë në parking të zbrazët apo në ndonjë hapësirë përkatëse. Bëni këtë me shumë kujdes
dhe fillimisht me shpejtësi të ulët, sepse automjeti mund të ju bart anash.

Nëse nuk ‘kafshon’, menjëherë tek mjeshtri.



Defektet e mundshme në pajisjet elektrike të makinës

Më poshtë do të mund të gjeni katër nga defektet më të mundshme të pajisjeve elektrikë në makinë dhe disa këshilla si të dini të gjendeni
në situata të tilla. Akumulatori – Nëse ju ndodh që në momentin kur i jepni makinës kontakt, në tabelën e instrumenteve ndizet drita që
tregon shtypjen e vajit, jo më intensitetin e zakonshëm por më dobët, defekti mund te jetë në lidhjen e dobët të akumulatorit apo edhe
në mos mbushjen e duhur me likuid të vetë akumulatorit.

Kontakti – Në qoftë se kur ju e sillni çelësin dhe ai nuk e aktivizon motorin, kurse dritat në tabelat e instrumenteve kanë ndriçim normal,
defekti mund të jetë në vetë bravën e kontaktit apo në elektronisësin.

Kutia shpërndarëse – Por nëse elektronisësi e sjell motorin, por edhe përkundër kësaj motori nuk ndizet, defektin duhet ta kërkoni në kutinë shpërndarëse.

Kabllot – Gjëja e parë që duhet të shihet të kabllot është se a janë mirë të lidhura me kutinë shpërndarëse, kandelat etj. Nëse lidhjet nuk janë të mira,
ato ose janë djegur ose janë lagur. Me një leckë të pastër duhet ta largoni papastërtinë kurse, me pastaj, më një brushë letre duhet t’i pastroni vendet ku lidhen kabllot.


Ndërrimi i vajit në makinën tuaj

Baza për punën e çdo motori është lubrifikimi i mirë, e kjo është e pamundur pa vaj kualitativ më përbërje përkatëse.
Prodhuesi i automjetit tuaj, në udhëzimin për menaxhim dhe mirëmbajtje, ka theksuar karakteristikat e mjeteve lubrifikuese
të cilat do të duhej të përdornit, dhe të njëjtat gjatë afatit garantues, gjithsesi t’iu përmbaheni. Edhe personi,
tek i cili i bëni kontroll automjetit, gjithashtu ka për detyrë që gjatë ndërrimit të vajit, t’ju vendos në motor, vetëm llojin e përshkruar të vajit.

Pas afatit garantues mund të përdorni prodhimin sipas qejfit tuaj, por domosdoshmërisht kushtoni vëmendje përmbajtjes dhe kualitetit.
Mos i përzieni lubrifikantet shumë-gradëshe dhe një-gradëshe, e gjithashtu duhet t’i shmangeni vendosjes së vajit sintetik dhe mineral dhe anasjelltas.

Në rast se motori i automjetit tuaj është në gjendje të mirë, dhe brenda vitit nuk kaloni numër të madh kilometrash, atëherë pranoni porosinë
mbi periudhën e ndërrimit të cilën e jep prodhuesi. Në të gjitha rastet tjera, ndërroni vajin më shpesh, dhe njëkohësisht është mirë të ndërrohet edhe filteri.
Nëse nuk e përdorni asnjëherë, prapëseprapë ndërrojani vajin së paku një herë në vit.

Shpenzimi i vajit paraqet masën e cila derdhet në motor, në mes të ndërrimeve të bëra në 1.000 kilometra të kaluara.
Secili motor shpenzoj vaj, e sasia varet nga konsumimi i tij. Normalisht, kjo sasi sillet prej 0.2 deri në 0.5 litra,
derisa te motorët e vjetër pranohen edhe vlera më të mëdha.

Niveli i vajit do të duhej të kontrollohet çdo 500 kilometra të kaluara, gjë që nuk do të duhej të harronit. Po që se motori mbetet pa vaj, dëmi do të jetë katastrofal.

Gjatë sezonit të dimrit vaji trashet, andaj paraqitet ndezja e vështirësuar e motorit. Që të parandaloni këtë,
në fillim të sezonit të ftohtë – merrni vajin me viskozitet përkatës. Pos kësaj, mos e nxehni motorin në vend,
gjë që shumica e njerëzve e praktikojnë. Pritni tridhjetë sekonda dhe nisuni ngadalë. Vozitni me rrotullime të vogla
derisa nuk të arrihet temperatura punuese, që nuk do të duhej të zgjas më shumë se dhjetë minuta.

Edhe njëherë, vaji është parakusht kryesor për funksionim të rregullt të automjetit tuaj, andaj kushtojini vëmendjen e duhur.
Gjithashtu, tentoni të blini vetëm produkte origjinale, edhe pse në ditë të sotme kjo është bërë bukur e vështirë.



Kontrolloni gomat

Last Updated on Monday, 18 January 2010 05:53 Written by admin Monday, 18 January 2010 05:53

Para dimrit duhet të kontrollohen gomat posaçërisht në boshtet tërheqëse, të kontrollohet akumulatori,
kualiteti i antifrizit dhe të hidhet glicerinë në brava. Bora, akulli dhe temperaturat nën zero tanimë i kemi
provuar sepse veçmë jemi në dimër.Gjëja e parë që duhet bërë është të kontrollohen gomat se në çfarë gjendje janë.
Fryni ato në nivelin në të cilin i përshkruan prodhuesi i automjetit, e më pas kontrolloni thellësinë e larave.

Sipas rregullave në fuqi, minimumi është dy milimetra, por në kushtet dimërore kjo nuk mjafton edhe aq.
Me goma të shlyera nëpër borë jo vetëm që është e vështirësuar për shkak të rrëshqitjes së vazhdueshme,
por edhe e rrezikshme. Prandaj është më së miri të blihen së paku një palë goma të reja.

Këtë gjë e kanë të qartë ata të cilët tanimë kanë pasur aksidente në sipërfaqe të rrëshqitshme, sepse kanë vozitur goma
të shpenzuara. Sa për rikujtim rruga e ndalimit në borë me goma kualitative nganjëherë është dyfish më e shkurtër sesa kur gomat janë të shpenzuara.


Këshilla për të kursyer karburant II

Edhe nëse nuk keni mundësi të blini automjet i cili harxhon më pak, ka mundësi të shumta për të kursyer të holla
pavarësisht se çfarë veture vozitni.Ja disa këshilla dhe njëkohësisht edhe disa shpjegime të paragjykimeve të cilat shumica e vozitësve i kanë.

Filloni duke menduar kursimin

Kursimet më të mëdha të parave nuk vijnë për shkak të ndonjë risie teknologjike, por nga disa rregulla të vjetra: ndajeni udhëtimin me dikë.
Nëse keni ndonjë mik ose fqinj, me të cilin mund të shkoni në punë dhe të ktheheni sërish me një veturë, kurseni 50% të harxhimit.
Nuk ka asnjë mënyrë tjetër që do t’u kursejë aq para. Po ashtu, nëse familja juaj ka dy automjete, atëherë voziteni atë që harxhon më pak sa më shumë që mundeni.

Edhe udhëtimi me trafik urban po ashtu mund të ju kursejë. Kjo po ashtu ndihmon edhe në uljen e ngarkesës në rrugë,
ashtu që përveç vetes do t’iu ndihmojë edhe të tjerëve.

Lehtësojeni veturën

Ngarkesa në peshë është armik natyror i ekonomisë në vozitje.
Andaj me largimin e gjësendeve të panevojshme, ose edhe personave, nga vetura juaj kurseni edhe karburant.

Vozitni duke kursyer

Që në start të vozitjes ju mund të kurseni karburant, duke marrë parasysh se shpejtoni përnjëherë ose ngadalë.
Starti i menjëhershëm rrit harxhimin e karburantit në mënyrë drastike.

Edhe shpejtësia maksimale po ashtu luan rol. Numri më i madh i veturave janë më kursyese kur lëvizin me shpejtësi
relativisht të ulët në shkallën e fundit të shpejtësisë së mundshme. Rezistenca e erës rritet në mënyrë eksponenciale
me rritjen e shpejtësisë, ashtu që me rritjen e shpejtësisë, në këtë aspekt ulet kursimi i veturës. Treguesit ekonomik
në tabelën e kontrollimit janë shumë preciz, ashtu që shumë shpejt do të mësoheni të vozitni ekonomikisht nëse i përcillni ato.

Parandalimi

Nëse gomat janë të fryra aq sa duhet dhe motori punon ashtu si duhet, harxhimi do të jetë i vogël.
Gomat jo mirë të fryra mund ta rritin harxhimin dukshëm. Madje edhe nëse ju duket se vetura juaj lëviz si duhet,
ndezja e shpeshtë e sinjalit të kuq të karburantit, mund të tregojë se ka ndonjë problem të caktuar për të cilën arsye vetura harxhon më shumë karburant.

Hapja e dritares apo klima?

Kjo është një pyetje e shpeshtë, pasi për dallim nga nxehësit të cilët shfrytëzojnë nxehtësinë e lirë të motorit për të
ngrohur brendinë e veturës, klima shfrytëzon fuqinë e motorit dhe ul kursimin. Për fat të keq këtu nuk mund të jepet përgjigje se cila është më e mirë.

Nëse vetura juaj ka qëndruar në ajër, dhe e keni më nxehtë brenda se jashtë, vozitni një kohë me dritare të hapur për ta freskuar.
Pastaj, kur të dilni në rrugë të hapur, mbylleni dhe lëshoni klimën. Aerodinamika është e rëndësishme në shpejtësitë e mëdha,
ashtu që nëse vozitni me më pak se 60 km/orë, hapja e dritareve nuk do të ketë edhe ndonjë efekt në aerodinamikë.
Kjo po ashtu varet edhe nga automjeti. Te veturat të cilat kanë aerodinamikë të mirë, hapja e dritareve do të ketë
një efekt më të mirë. Por nëse keni kabriolet, do të harxhoni më pak nëse e keni veturën e mbyllur.

Mbajtëset mbi çati
Kur flasim për aerodinamikë, mbajtëset mbi çati, si shtesat për biçikletë ose për ski mbi veturë vetëm sa ju dëmtojnë,
madje edhe kur janë të zbrazëta. Nëse ato i largoni, kjo do t’i ndihmojë edhe veturës të lëvizë më mirë në erë.
Po ashtu hiqni dritaret kundër erës, pasi do të ndihmojnë në aerodinamikën e veturës.

Benzinë super ose normal

Karburanti me më shumë oktan kushton më pak, por a duhet ta shfrytëzoni këtë? Shumica e veturave të sotme
për të cilët është propozuar super, mund pa problem të lëvizin me normal, madje edhe në periudha më të gjata pa pasoja.

Është e vërtetë se kjo ul ca efikasitetin e veturës, por jo deri në atë shkallë sa të mposhtë kursimin që realizoni
me karburant më të lirë. Megjithatë, kjo vlen vetëm për veturat për të cilat vetëm preferohet super, dhe jo kërkohet domosdo.
Nëse automobili luaj ka mbushës turbo ose super, më mirë është t’i përmbaheni superit.

[Image: ksm_logo.jpg]
Find all posts by this user
Quote this message in a reply
29-05-2010, 10:10 AM
Post: #2
RE: Këshilla për automjete!
Dezinfektimi i pajisjes së aklimatizimit
[Image: f.0407013314948_m.jpg]
Pajisja e aklimatizimit kërkon mirëmbajtje, përndryshe me kalimin e kohës nga ajo do të fillojnë të shpërndahen aroma të pakëndshme.

Për aromat e pakëndshme të aklimatizimit janë përgjegjës mikroorganizma të ndryshme (kërpudha, baktere, e të ngjashme), të cilat falë lagështisë, ngrohtësisë dhe mungesës së dritës shumohen tek avulluesi.

Këto mikroorganizma krijohen në sipërfaqen e cila grumbullohet nga smogu, pluhuri, poleni dhe fije të ndryshme. Era e pakëndshme paraqitet si produkt i metabolizmit të tyre, e ky kundërmim është veçanërisht i madh atëherë kur aklimatizimi nuk vihet në funksion për një kohë më të gjatë. Në fakt, derisa aklimatizimi nuk është në funksion, mikroorganizmat zhvillohen pandërprerë, prandaj problemi intensifikohet shpejt. Thithja e këtij ajri nuk është vetëm i pakëndshëm, por edhe e pashëndetshëm, sepse mund të shkaktoj disa lloj telashesh.
[Image: kondicioneri1.jpg]
Avulluesi, përndryshe, pajisja për ndryshimin e gjendjes agregate në pajisjen e aklimatizimit, pasi që kryesisht është vendosur në një vend që nuk është edhe aq lehtë t’i qasesh dhe kështu e bën pastrimin e tij është shumë të koklavitur. Prandaj janë shumë të dobishme substancat për pastrim në formë në spërkatësit apo shkumës, me të cilët, dorën në zemër, arrihen rezultate afatshkurtra, e as efikasiteti i tyre nuk është shumë për t’u lavdëruar.

Sa për ilustrim, ekziston një lloj shkume e cila me anë të një gypi futet drejtpërsëdrejti në vrimat e ventilimit dhe ashtu arrin deri tek avulluesi. Spërkatësit deri diku janë më efikas, pasi që arrin deri tek secila pikë në sistemin e ventilimit dhe në tërë kabinën. Si të përdorën spërkatësit: të ndizet motori, të aktivizohet pajisja e aklimatizimit në minimum, të aktivizohet riqarkullimi dhe të kyçet ventilatori në maksimum, të hapet kapaku i spërkatësit dhe të vendoset në dysheme, të lihet aty dhe të mbyllen dyert e automjetit.
[Image: pastruesi1.jpg]
Spërkatësi do të zbrazet për afro 15 minuta, kur edhe duhet të hapet dera e automjetit. Megjithatë, pastrimi më efikas kryhet me anë të një revoleje speciale me sondë dhe gërryese e cila sillet, të cilat me anë të një substance speciale për dezinfektim nën presion të madh edhe fizikisht i largon shtresat e krijuara.

Preventiva

Pajisjen e aklimatizimit gjithsesi ndaleni 10 deri në 15 minuta para fikjes së automjetit, në mënyrë që ajri të mund të thajë kondensatorin. Siç edhe thamë, lagështia është faktori kryesor i cili ndikon në zhvillimin e mikroorganizmave, prandaj kështu u krijohen kushtet e pafavorshme.

[Image: ksm_logo.jpg]
vw Group.
Visit this user's website Find all posts by this user
Quote this message in a reply
29-05-2010, 07:20 PM
Post: #3
RE: Këshilla për automjete!
hallall per postin S.Loeb shum informata tmira edhe tsakta i paske jep

create animated gif

VR6 pure sound, pure power.
Find all posts by this user
Quote this message in a reply
31-05-2010, 09:35 PM
Post: #4
RE: Këshilla për automjete!
Bravo....djema hallal per mundin e punen qe e keni ba, e kish me qene qe ne te ardhmen te kemi me shum keso postime ....Bravo edhe 1 her...
Find all posts by this user
Quote this message in a reply
Post Reply 


Possibly Related Threads...
Thread: Author Replies: Views: Last Post
  Volkswagen tërheq 168 000 automjete Gaz Tuning 80 22,369 14-10-2011 12:02 PM
Last Post: black drag
  Honda, Chrysler dhe VW terheqin automjete ks-motors 0 1,038 20-12-2010 06:31 AM
Last Post: ks-motors
  Mercedes tërheqë 85.000 automjete matrix 2 2,307 08-11-2010 07:27 PM
Last Post: PREDATOR
  Google paraqet në trafik automjete të mençura: ato lëvizin vet! Gaz Tuning 2 2,618 08-11-2010 07:26 PM
Last Post: PREDATOR
  Toyota sërish tërheq 1.5 milionë automjete ks-motors 0 907 22-10-2010 07:50 PM
Last Post: ks-motors
  Lidl do të shes automjete me lirim driton.d 0 823 11-03-2009 11:01 PM
Last Post: driton.d

Forum Jump:


User(s) browsing this thread: 1 Guest(s)